ಶಿಲ್ಪಿ-ಶಿಲ್ಪ

ಶಿಲ್ಪಿಯು ನೀನೆ ಶಿಲ್ಪವು ನೀನೆ
ವಿಶ್ವವ ಸೃಷ್ಟಿಪ ಶಿಲೆಯೂನೀನೆ
ಶೃತಿಯೂ ನೀನೆ ವೀಣೆಯು ನೀನೆ
ಶೃತಿಯೊಳು ಹೊಮ್ಮಿದ ನಾದವು ನೀನೆ
ಕಾರ್ಯವು ನೀನೆ ಕಾರಣ ನೀನೆ
ಕಾರ್ಯ ಕಾರಣದ ಕರ್ತೃವು ನೀನೆ
ನಿನ್ನೆಯು ನೀನೆ ನಾಳೆಯು ನೀನೆ
ನಿನ್ನೆ ನಾಳೆಗಳ ಸೇತುವೆ ನೀನೆ
ಅವನೂ ನೀನೆ ಅವಳೂ ನೀನೆ
ಇರುವುದೊಂದೆ ಅದು ನೀನೆ
ನಿನ್ನನೆ ಸೃಷ್ಟಿಸಿ ನೀನೇ ಹೊಕ್ಕು
ನಿನ್ನನೆ ಮರೆತವ ನೀನೆ.
ಜೀವವು ನೀನೆ ಜಡವೂ ನೀನೆ
ಜೀವ ಜಗ ಜಂಗಮವೆಲ್ಲವೂ ನೀನೆ

ನೀನೆ ನೀನೆ ನೀನೆ
ನಿನ್ನ ಬದುಕ ಬರೆದವ ನೀನೆ
ಬರಹ ಬದಲಿಸ ಬಲ್ಲವ ನೀನೆ
ಶಿಲ್ಪಿಯು ನೀನೆ ಶಿಲ್ಪವು ನೀನೆ.